डोटी, फागुन १०
डाेटीकाे बोगटान फुड्सिल गाउँपालिका–३ धौलाबस्तीस्थित दिपायल–बोगटान भित्री सडकखण्डमा आज ( आइतबार ) भएको बोलेरो दुर्घटनामा घाइते ४ जना मध्ये एक जनाको मृत्यु भएको छ।
मृत्युु हुनेमा बाेगटान फुड्सिल गाउँपालिका ३ मेल्टा कि ६६ वर्षीया जुना देवी साउँद रहेकाे डाेटी प्रहरीले जनाएको छ । गम्भीर घाइते साउदँलाई साँझ ७:३० बजे सेती प्रादेशिक अस्पताल, धनगढी पुर्याइएको थियो। उपचारका क्रममा राति ८:१५ बजे चिकित्सकले उनलाई मृत घोषणा गरेकाे प्रहरीकाे भनाइ छ ।
घाइते चालक बोगटान फुड्सिल–६ पलाडीका २७ वर्षीय तिर्थ बोगटी, १७ वर्षीया सिता साउँद र १९ वर्षीया सारदा साउँदलाई साँझ ७:१५ बजे मायामेट्रो अस्पताल, धनगढी पुर्याई उपचार भइरहेको प्रहरीले जनाएको छ।
आइतबार दिउँसो करिब १२:५५ बजे मेल्टाबाट दिपायलतर्फ जाँदै गरेको सु.प.प्र. ०३–००१ च ००१४ नम्बरको बोलेरो जीप साइड दिने क्रममा ब्याक गर्दा सडकबाट करिब १५० मिटर तल खसेर दुर्घटना भएको थियो। दुर्घटनामा चालकसहित चार जना घाइते भएका थिए।
